ණයට අරන් ජයට මඟුල් කෑම
ඕනෑම යුවතියක් දකින සුන්දර සිහියක් තමයි දවසක ලස්සන මනාලියක් වෙන එක. සුන්දර මංගල ඇඳුම ඇඳලා, ආභරණ පළඳලා, හැඩ වෙලා දෙමාපිය හිතවතුන්ගේ ආශිර්වාදය මැද තමන්ගේ හිත ගත්ත පුර්ෂයා සමඟ යුග දිවියට පා තබන්න දකින ඒ හීනය කිසිම වරදක් කියන්න බැරි අහිංසක අපේක්ෂාවක්. ඒ වුනත් විවාහ ජීවිතේට වැඩි වටිනාකමක් විවාහ උත්සවයට ලබා දෙනවා නම් එතන ගැටළුවක් තියෙනවා. විවාහය කියන්නේ උත්සවශ්‍රීයෙන් එක් වීම විතරක් නෙවෙයි. විවාහයක් පරිපූර්ණ වෙන්නේ දෙදෙනෙක් අවංක ආදරයකින් , අනෝන්‍ය අවබෝධයක් ඇතිව ගත් නිදහස් තීරණයක් තුළින් එකිනෙකාට හිමි වීමක්. ඉතින් මෙහි උත්සවශ්‍රීය කියන්නේ අත්‍යාවශ්‍යම සාධකයක් නෙවෙයි. බොහෝ අය මංගල උත්සවයට බොහෝ කලක පටන් සූදානම් වෙනවා. ඇඳුම් පැළඳුම්, ආභරණ , සැරසිලි, පිරිවර, උත්සව ශාලා, ඡායාරූප ආදී මෙකී නොකී නොයෙකුත් බාහිර දේ අධික වියදම් දරමින් සැලසුම් කරනවා. ඇතැම් විට දෙමාපියන් තමන්ගේ දරුවන් වෙනුවෙන් ජීවිත කාලයක් දුක් මහන්සියෙන් උපයා ඉතිරි කර ගත් සියල්ල මෙයට වැය කරනවා. නැතිනම් ණයට ගන්නවා. ඉතින් මේ විදිහට විවාහ ජීවිතය ගැන අනාගත සැලසුම් නැතිව, තමන්ගේ හැකියාව ගැන අවබෝධයක් නැතිව , විවාහ උත්සවය පමණක් ලෝකයාට පෙනෙන්න සි...
